ನ್ಯೂಸ್ ಪೋಸ್ಟ್ಮಾರ್ಟಮ್ ಹೊಸನಗರ ತಾಲ್ಲೂಕಿನ ಪ್ರಾಥಮಿಕ ಶಾಲಾ ವಿದ್ಯಾರ್ಥಿಗಳಿಗಾಗಿ ಆಯೋಜಿಸಿದ್ದ ಗಣಪತಿ ಕುರಿತ ವಿಡಿಯೋ ಗಾಯನ ಸ್ಪರ್ಧೆ - ಮುಂಚೂಣಿಯಲ್ಲಿದ್ದಾರೆ ಈ ಸ್ಪರ್ಧಿಗಳು
ಹೊಸನಗರ : ಹೊಸನಗರ ತಾಲ್ಲೂಕಿನ ಪ್ರಾಥಮಿಕ ಶಾಲಾ ವಿದ್ಯಾರ್ಥಿಗಳ ಪ್ರತಿಭೆಯನ್ನು ಪ್ರೋತ್ಸಾಹಿಸಬೇಕು ಎನ್ನುವ ಉದ್ದೇಶದಿಂದ ಗಣೇಶ ಚತುರ್ಥಿಯ ಹಿನ್ನೆಲೆಯಲ್ಲಿ ನ್ಯೂಸ್ ಪೋಸ್ಟ್ಮಾರ್ಟಮ್ ಮಾಸಪತ್ರಿಕೆ ಹಾಗೂ ನ್ಯೂಸ್ ಯುಟ್ಯೂಬ್ ಚಾನೆಲ್‌ ವತಿಯಿಂದ ಗಣಪತಿ ಕುರಿತು ಮಕ್ಕಳಿಗೆ ಭಕ್ತಿಗೀತೆ ಹೇಳುವ ಸ್ಪರ್ಧೆಯೊಂದನ್ನು ಆಯೋಜಿಸಿತ್ತು. ಈ ಸ್ಪರ್ಧೆಗೆ ಹೊಸನಗರ ತಾಲ್ಲೂಕಿನ ಪುಟಾಣಿ ವಿದ್ಯಾರ್ಥಿಗಳಿಂದ ಉತ್ತಮ ಸ್ಪಂದನೆಯೇ ಸಿಕ್ಕಿದ್ದು, ಒಟ್ಟು 43 ವಿದ್ಯಾರ್ಥಿಗಳ ಗಣಪತಿ ಭಕ್ತಿಗೀತೆ ಗಾಯನದ ವಿಡಿಯೋ ನಮ್ಮನ್ನು ತಲುಪಿದ್ದವು. ಸ್ಪರ್ಧೆಗೆ ನ್ಯೂಸ್ ಪೋಸ್ಟ್ಮಾರ್ಟಮ್ ಹಲವು ನಿಯಮಗಳನ್ನು ವಿಧಿಸಿತ್ತು. ಆ ಎಲ್ಲಾ ನಿಯಮಗಳನ್ನು ಪಾಲಿಸಿದ ಮತ್ತು ಸ್ಪರ್ಧೆಗೆ ಎಲ್ಲಾ ರೀತಿಯಿಂದಲೂ ಸೂಕ್ತವಾದ ಒಟ್ಟು 13 ವಿದ್ಯಾರ್ಥಿಗಳ ಹಾಡಿನ ವಿಡಿಯೋವನ್ನು ಅಂತಿಮ ಸುತ್ತಿಗೆ ಆಯ್ಕೆ ಮಾಡಲಾಗಿದ್ದು, ಮಕ್ಕಳ ಭಕ್ತಿಗೀತೆ ಗಾಯನದ ವಿಡಿಯೋ ಈಗ ನ್ಯೂಸ್ ಪೋಸ್ಟ್ಮಾರ್ಟಮ್ ಯುಟ್ಯೂಬ್ ಚಾನೆಲ್ಲಿನಲ್ಲಿ ಪ್ರಸಾರವಾಗುತ್ತಿವೆ. ಅಕ್ಟೋಬರ್ 13ರವರೆಗೆ ಈ ವಿಡಿಯೋಗಳ ನಡುವೆ ಸ್ಪರ್ಧೆ ನಡೆಯಲಿದ್ದು, ಅಂದಿನವರೆಗೆ ಅತಿಹೆಚ್ಚು ಅಂದರೆ 3 ಸಾವಿರಕ್ಕಿಂತ ಹೆಚ್ಚು ವೀಕ್ಷಣೆ ಹಾಗೂ ಲೈಕ್‌ಗಳನ್ನು ಪಡೆದ ಒಬ್ಬ ಸ್ಪರ್ಧಿಯ ವಿಡಿಯೋವನ್ನು ಟಾಪ್ ಒನ್ ಎಂದು ಘೋಷಿಸಿ, 1001 ರೂಪಾಯಿ ನಗದು ಬಹುಮಾನದೊಂದಿಗೆ ಪ್ರಮಾಣಪತ್ರವನ್ನು ನೀಡಿ ಗೌರವಿಸಲಾಗುವುದು.
ಸ್ಪರ್ಧೆಯ ವಿಡಿಯೋಗಳು ಪ್ರಸಾರವಾಗುತ್ತಾ 18 ದಿನಗಳಾಗಿದ್ದು ಈಗಾಗಲೇ ಪಡೆದಿರುವ ವೀಕ್ಷಣೆ ಹಾಗೂ ಮೆಚ್ಚುಗೆಗಳ ಪ್ರಕಾರ ರಿಪ್ಪನ್‌ಪೇಟೆ ಸರ್ಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯ 4ನೇ ತರಗತಿ ವಿದ್ಯಾರ್ಥಿನಿ ಭೂಮಿ ಎನ್. ಪೂಜಾರ್ 1,763 ವೀಕ್ಷಣೆಗಳನ್ನು ಪಡೆದು ಮುಂಚೂಣಿಯಲ್ಲಿದ್ದಾಳೆ. ಈಕೆಯ ನಂತರ ಹೊಸನಗರದ ಕುವೆಂಪು ವಿದ್ಯಾಶಾಲೆ 6ನೇ ತರಗತಿ ವಿದ್ಯಾರ್ಥಿ ದೇಶಿಕ್ ಚರಣ್ ಸಿ 967 ವೀಕ್ಷಣೆಗಳನ್ನು ಹಾಗೂ ಕಡಸೂರು ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ 5ನೇ ತರಗತಿ ವಿದ್ಯಾರ್ಥಿನಿ ಸೌಜನ್ಯ ಎನ್.ಎಸ್ 687 ವೀಕ್ಷಣೆಗಳನ್ನು ಪಡೆದುಕೊಂಡಿದ್ದಾರೆ. ಈ ಮಕ್ಕಳ ಗಾಯನದ ವಿಡಿಯೋ ಅಕ್ಟೋಬರ್ 13ರವರೆಗೆ ಸ್ಪರ್ಧೆಯಲ್ಲಿರಲಿದ್ದು, ನೀವು ಅಲ್ಲಿಯವರೆಗೂ ಈ ಮಕ್ಕಳ ವಿಡಿಯೋಗಳನ್ನು ವೀಕ್ಷಿಸಿ ಮಕ್ಕಳ ಗೆಲುವಿಗೆ ಕಾರಣವಾಗಬಹುದು. ಈ ಮೂಲಕ ಹೊಸನಗರ ತಾಲ್ಲೂಕಿನ ಈ ಪ್ರತಿಭಾವಂತ ಮಕ್ಕಳ ಪ್ರತಿಭೆಯನ್ನು ನೀವು ಪ್ರೋತ್ಸಾಹಿಸಬಹುದು.
VIDEO - ಹೊಸನಗರ ತಾಲ್ಲೂಕು ಪ್ರಾಥಮಿಕ ಶಾಲಾ ಮಕ್ಕಳ ಗಣಪತಿ ಭಕ್ತಿಗೀತೆ ಗಾಯನ ಸ್ಪರ್ಧೆ -2023
ಪೋಸ್ಟ್ಗಳು
ಕಾಮೆಂಟ್‌ಗಳಿಲ್ಲ