ನ್ಯೂಸ್ ಪೋಸ್ಟ್ಮಾರ್ಟಮ್ ನ್ಯೂಸ್ ವೆಬ್‌ಸೈಟ್ ಲೋಕಾರ್ಪಣೆಗೊಳಿಸಿದ ನಿವೃತ್ತ ನ್ಯಾಯಮೂರ್ತಿ ಎನ್‌. ಸಂತೋಷ್ ಹೆಗ್ಡೆ
ಬೆಂಗಳೂರು : ಹೊಸನಗರ ತಾಲ್ಲೂಕು ಕೋಡೂರಿನ ಪತ್ರಕರ್ತರಾದ ಗಣೇಶ ಕೆ. ಅವರ ಸಂಪಾದಕತ್ವದಲ್ಲಿ ಕಳೆದ ಹನ್ನೊಂದು ವರ್ಷಗಳಿಂದ ಪ್ರಕಟಗೊಳ್ಳುತ್ತಿರುವ ನ್ಯೂಸ್ ಪೋಸ್ಟ್ಮಾರ್ಟಮ್ ಮಾಸಪತ್ರಿಕೆ ಹಾಗೂ ಕಳೆದ ಒಂದೂವರೆ ವರ್ಷಗಳಿಂದ ಪ್ರಸಾರವಾಗುತ್ತಿರುವ ನ್ಯೂಸ್ ಪೋಸ್ಟ್ಮಾರ್ಟಮ್ ನ್ಯೂಸ್ ಯುಟ್ಯೂಬ್ ಚಾನೆಲ್ಲಿನ ಡೈಲಿ ನ್ಯೂಸ್ ವೆಬ್ ಪೋರ್ಟಲ್‌ನ್ನು ಲೋಕಾಯುಕ್ತ ನಿವೃತ್ತ ನ್ಯಾಯಮೂರ್ತಿ ಸಂತೋಷ್ ಹೆಗ್ಡೆ ಅವರು ಲೋಕಾರ್ಪಣೆಗೊಳಿಸಿದರು.
ಬೆಂಗಳೂರಿನಲ್ಲಿ ಇಂದು ನ್ಯೂಸ್ ಪೋಸ್ಟ್ಮಾರ್ಟಮ್ ಡೈಲಿ ನ್ಯೂಸ್ ವೆಬ್‌ಸೈಟ್‌ನ್ನು ಕ್ಲಿಕ್ ಮಾಡುವ ಮೂಲಕ ಲೋಕಾರ್ಪಣೆಗೊಳಿಸಿದ ಸಂತೋಷ್ ಹೆಗ್ಡೆಯವರು, ನ್ಯೂಸ್ ಪೋಸ್ಟ್ಮಾರ್ಟಮ್ ಪತ್ರಿಕಾ ಬಳಗದ ಈ ಹೊಸ ಪ್ರಯತ್ನವನ್ನು ಮೆಚ್ಚಿಕೊಂಡು, ‘ಗಣೇಶ ಅವರ ಸಂಪಾದಕತ್ವದಲ್ಲಿ ಹೊಸನಗರ ತಾಲ್ಲೂಕಿನ ನಿತ್ಯ ಸುದ್ದಿಗಳನ್ನು ಜನರಿಗೆ ತಲುಪಿಸುವ ನ್ಯೂಸ್ ಪೋಸ್ಟ್ಮಾರ್ಟಮ್ ನ್ಯೂಸ್ ವೆಬ್‌ಪೋರ್ಟಲ್ ಇಂದು ಲೋಕಾರ್ಪಣೆಗೊಂಡಿದೆ. ಹೊಸನಗರ ತಾಲ್ಲೂಕಿನ ಸುದ್ದಿಗಳನ್ನು ಓದುಗರಿಗೆ ತಲುಪಿಸುವ ನ್ಯೂಸ್ ಪೋಸ್ಟ್ಮಾರ್ಟಮ್ ವೆಬ್‌ಸೈಟ್ ಯಶಸ್ಸು ಕಾಣಲಿ’ ಎಂದು ಶುಭ ಹಾರೈಸಿದರು. ಹಾಗೂ ಗ್ರಾಮೀಣ ಸುದ್ದಿಗಳನ್ನು ಜನರಿಗೆ ಅಂತರ್ಜಾಲದ ಮೂಲಕ ತಲುಪಿಸುವ ಇಂತಹ ಪ್ರಯತ್ನಗಳು ಪತ್ರಿಕೋದ್ಯಮದಲ್ಲಿ ನಡೆಯಬೇಕು ಎಂದು ಹೇಳಿ, ಈ ನಿಟ್ಟಿನಲ್ಲಿ ಮುದ್ರಣ ಹಾಗೂ ವಿಡಿಯೋ ರೂಪದಲ್ಲಿ ಇಷ್ಟು ವರ್ಷಗಳ ಕಾಲ ಬರುತ್ತಿದ್ದ ನ್ಯೂಸ್ ಪೋಸ್ಟ್ಮಾರ್ಟಮ್ ಈಗ ವೆಬ್‌ಸೈಟ್ ಮೂಲಕವೂ ಸುದ್ದಿಗಳನ್ನು ಬಿತ್ತರಿಸಲು ಮುಂದಾಗಿರುವುದು ಒಳ್ಳೆಯ ಬೆಳವಣಿಗೆ ಎಂದು ಮೆಚ್ಚಿಕೊಂಡರು.
.jpg)
ಈ ಸಂದರ್ಭದಲ್ಲಿ ಹಿರಿಯ ಪತ್ರಕರ್ತೆ ಜ್ಯೋತಿ ಇರ್ವತ್ತೂರು, ಕರ್ನಾಟಕ ರಕ್ಷಣಾ ವೇದಿಕೆ ಪತ್ರಿಕೆಯ ಸಂಪಾದಕರಾದ ಕ.ನ.ಚಂದ್ರಶೇಖರ, ಪಾರಿವಾಳ ಪತ್ರಿಕೆಯ ಸಂಪಾದಕರಾದ ಅತ್ತಿಕುಪ್ಪೆ ರವಿಕುಮಾರ್ ಸೇರಿದಂತೆ ನ್ಯೂಸ್ ಪೋಸ್ಟ್ಮಾರ್ಟಮ್ ಪತ್ರಿಕಾ ಬಳಗದ ಸದಸ್ಯರು ಉಪಸ್ಥಿತರಿದ್ದರು.
ನ್ಯೂಸ್ ಪೋಸ್ಟ್ಮಾರ್ಟಮ್ ವೆಬ್‌ಸೈಟ್ ಮೂಲಕ ಮುಖ್ಯವಾಗಿ ಹೊಸನಗರ ತಾಲ್ಲೂಕಿನಲ್ಲಿ ನಿತ್ಯ ನಡೆಯುವ ಘಟನೆಗಳನ್ನು ಹೊಸನಗರ ತಾಲ್ಲೂಕಿನ ಜೊತೆಜೊತೆಗೇ ಇಡೀ ರಾಜ್ಯಕ್ಕೆ ತಲುಪಿಸುವುದು ನಮ್ಮ ಉದ್ದೇಶವಾಗಿದೆ. ಇದರೊಂದಿಗೆ ವಿಶೇಷ ವರದಿ, ತನಿಖಾ ವರದಿ, ಸಂದರ್ಶನ, ವಿಶೇಷ ಲೇಖನಗಳನ್ನು ಕೂಡಾ ನಾವು ಈ ವೆಬ್‌ಸೈಟ್ ಮೂಲಕ ನೀಡಲಿದ್ದು, ಹೊಸನಗರ ತಾಲ್ಲೂಕಿನ ಮೊಟ್ಟಮೊದಲ ಅಧಿಕೃತ ಮಾಧ್ಯಮವಾಗಿ ನಾವಿಟ್ಟಿರುವ ಹೆಜ್ಜೆಗಳು ಹೀಗೇ ಮುಂದುವರಿಯಲಿದೆ. ಎಂದಿನಂತೆ ನಿಮ್ಮೆಲ್ಲರ ಪ್ರೋತ್ಸಾಹ ಹಾಗೂ ಸಲಹೆಗಳನ್ನೂ ನಾವು ನಿರೀಕ್ಷಿಸುತ್ತಿದ್ದೇವೆ.
.jpg)
ಹೊಸನಗರ ತಾಲ್ಲೂಕಿನ ನಿತ್ಯ ಸುದ್ದಿಗಳಿಗಾಗಿ - ವಿಶೇಷಗಳಿಗಾಗಿ ನ್ಯೂಸ್ ಪೋಸ್ಟ್ಮಾರ್ಟಮ್ ವೆಬ್‌ಸೈಟ್‌ನ್ನು ಕ್ಲಿಕ್ ಮಾಡಿ : www.newspostmortem.in
ಪೋಸ್ಟ್ಗಳು
ಕಾಮೆಂಟ್‌ಗಳಿಲ್ಲ