ಹೊಸನಗರದ ಬಿದನೂರು ನಗರದಲ್ಲಿ ರಾಜ್ಯದಲ್ಲೇ ಅತ್ಯಧಿಕ 225 ಮಿಲಿಮೀಟರ್ ದಾಖಲೆ ಮಳೆ

ಹೊಸನಗರ : ಇಂದು ಬೆಳಿಗ್ಗೆ ಬೆಳಿಗ್ಗೆ 8 ಗಂಟೆಗೆ ಅಂತ್ಯಗೊಂಡ 24 ಗಂಟೆಗಳ ಅವಧಿಯಲ್ಲಿ ತಾಲ್ಲೂಕಿನ ಬಿದನೂರು ನಗರದಲ್ಲಿ ರಾಜ್ಯದಲ್ಲೇ ಅತ್ಯಧಿಕ ಅಂದರೆ 225 ಮಿಲಿಮೀಟರ್ ದಾಖಲಾಗಿದೆ. ಲಿಂಗನಮಕ್ಕಿ ಜಲಾಶಯದಲ್ಲಿ ಕಳೆದ ಬಾರಿಗಿಂತ 36 ಅಡಿ ಹೆಚ್ಚಿನ ನೀರು ಸಂಗ್ರಹವಾಗಿದ್ದು, ಜಲಾನಯನ ಪ್ರದೇಶದಲ್ಲಿ ನಿರಂತರವಾಗಿ ಮಳೆಯಾಗುತ್ತಿರುವುದರಿಂದ ಜಲಾಶಯಕ್ಕೆ 55337 ಕ್ಯೂಸೆಕ್ಸ್ ನೀರು ಹರಿದು ಬರುತ್ತಿದೆ.

ಇನ್ನುಳಿದಂತೆ ತಾಲ್ಲೂಕಿನ ಚಕ್ರಾ ನಗರದಲ್ಲಿ 195 ಮಿಲಿ ಮೀಟರ್, ಯಡೂರಿನಲ್ಲಿ 146 ಎಂಎಂ, ಮಾಸ್ತಿಕಟ್ಟೆಯಲ್ಲಿ 140 ಎಂಎಂ, ಮಾಣಿಯಲ್ಲಿ 136 ಎಂಎಂ, ಹುಲಿಕಲ್ಲಿನಲ್ಲಿ 103 ಎಂಎಂ, ಸಾವೇಹಕ್ಲಿನಲ್ಲಿ 91 ಎಂಎಂ, ಹೊಸನಗರ ಪಟ್ಟಣದಲ್ಲಿ 31. 6 ಎಂಎಂ, ಕಾರ್ಗಲ್ಲಿನಲ್ಲಿ 28.4 ಎಂಎಂ ಮಳೆ ದಾಖಲಾಗಿರುತ್ತದೆ. 1819 ಅಡಿ ಗರಿಷ್ಠ ಮಟ್ಟದ ಲಿಂಗನಮಕ್ಕಿ ಜಲಾಶಯದ ನೀರಿನ ಮಟ್ಟ ಇಂದು ಬೆಳಿಗ್ಗೆ 8 ಗಂಟೆಗೆ 1781.55 ಅಡಿಗೆ ಏರಿದ್ದು, ಜಲಾಶಯಕ್ಕೆ 55337 ಕ್ಯೂಸೆಕ್ಸ್ ನೀರು ಹರಿದು ಬರುತ್ತಿದೆ. ಕಳೆದ ವರ್ಷ ಇದೇ ಅವಧಿಗೆ 1745.60 ಅಡಿ ದಾಖಲಾಗಿತ್ತು.