ಹೊಸನಗರ ತಾಲ್ಲೂಕಿನೆಲ್ಲೆಡೆ ಪುಷ್ಯ ಮಳೆ ಆರ್ಭಟ - ಚಕ್ರಾ ನಗರದಲ್ಲಿ ಅತ್ಯಧಿಕ 275 ಎಂಎಂ ಮಳೆ - ಲಿಂಗನಮಕ್ಕಿ ಜಲಾಶಯ ತುಂಬಲು 16 ಅಡಿ ಬಾಕಿ

ಹೊಸನಗರ : ತಾಲ್ಲೂಕಿನೆಲ್ಲೆಡೆ ಪುಷ್ಯ ಮಳೆ ಆರ್ಭಟ ಮುಂದುವರೆದಿದ್ದು, ಇಂದು ಬೆಳಿಗ್ಗೆ 8 ಗಂಟೆಗೆ ಅಂತ್ಯಗೊಂಡ 24 ಗಂಟೆಗಳ ಅವಧಿಯಲ್ಲಿ ಹೊಸನಗರ ತಾಲ್ಲೂಕಿನ ಚಕ್ರಾ ನಗರದಲ್ಲಿ 275 ಎಂಎಂ, ಮಾಣಿಯಲ್ಲಿ 253 ಎಂಎಂ, ಸಾವೇಹಕ್ಲಿನಲ್ಲಿ 230 ಎಂಎಂ, ಯಡೂರಿನಲ್ಲಿ 206 ಎಂಎಂ, ಬಿದನೂರು ನಗರ ಹಾಗೂ ಹುಲಿಕಲ್ಲಿನಲ್ಲಿ 178 ಎಂಎಂ, ಮಾಸ್ತಿಕಟ್ಟೆಯಲ್ಲಿ 170 ಎಂಎಂ, ಕಾರ್ಗಲ್ಲಿನಲ್ಲಿ 74.2 ಎಂಎಂ, ಹೊಂಬುಜದಲ್ಲಿ 66 ಎಂಎಂ, ಹೊಸನಗರ ಪಟ್ಟಣದಲ್ಲಿ 46 ಎಂಎಂ, ಅರಸಾಳು ಹಾಗೂ ರಿಪ್ಪನ್‌‌ಪೇಟೆಯಲ್ಲಿ 30 ಎಂಎಂ ಮಳೆ ದಾಖಲಾಗಿದೆ.

CLICK ಮಾಡಿ - ಮುಂದುವರಿದ ಮಳೆ - ನಗರ, ಕರಿಮನೆ, ಸಂಪೆಕಟ್ಟೆ, ನಿಟ್ಟೂರು ಮತ್ತು ಯಡೂರು ಕ್ಲಸ್ಟರ‍್ರಿನಲ್ಲಿ ಶಾಲಾ ಹಂತದಲ್ಲೇ ರಜೆ ಘೋಷಿಸಲು ಬಿಇಓ ಸೂಚನೆ

1819 ಅಡಿ ಗರಿಷ್ಠ ಮಟ್ಟದ ಲಿಂಗನಮಕ್ಕಿ ಜಲಾಶಯದ ನೀರಿನ ಮಟ್ಟ ಇಂದು ಬೆಳಿಗ್ಗೆ 8 ಗಂಟೆಗೆ 1802.70 ಅಡಿ ತಲುಪಿದ್ದು, ಜಲಾಶಯಕ್ಕೆ 53371 ಕ್ಯೂಸೆಕ್ಸ್ ನೀರು ಹರಿದು ಬರುತ್ತಿದೆ. ಜಲಾಶಯ ಶೇಕಡ 67.82 ರಷ್ಟು ಭರ್ತಿಯಾಗಿದ್ದು, ಇದೇ ಅವಧಿಗೆ ಕಳೆದ ವರ್ಷ 1778.85 ಅಡಿ ದಾಖಲಾಗಿತ್ತು. ಬುಧವಾರ ಜಲಾಶಯಕ್ಕೆ 1.70 ಅಡಿ ನೀರು ಹರಿದು ಬಂದಿದೆ.