ಹೊಸನಗರ ತಾಲ್ಲೂಕಿನ ಚಕ್ರಾ ನಗರದಲ್ಲಿ ಒಂದೇ ದಿನ ಅತ್ಯಧಿಕ 290 ಮಿಲಿ ಮೀಟರ್ ಮಳೆ - ಶೇಕಡ 71.43 ರಷ್ಟು ಭರ್ತಿಯಾದ ಲಿಂಗನಮಕ್ಕಿ ಡ್ಯಾಮ್‌‌

ಹೊಸನಗರ : ಲಿಂಗನಮಕ್ಕಿ ಜಲಾನಯನ ಪ್ರದೇಶವಾದ ಹೊಸನಗರ ತಾಲ್ಲೂಕಿನ ಚಕ್ರಾ ನಗರದಲ್ಲಿ ಇಂದು ಬೆಳಿಗ್ಗೆ 8 ಗಂಟೆಗೆ ಅಂತ್ಯಗೊಂಡ 24 ಗಂಟೆಗಳ ಅವಧಿಯಲ್ಲಿ ಅತ್ಯಧಿಕ 290 ಮಿಲಿಮೀಟರ್‌‌ ಮಳೆಯಾಗಿದೆ.

ಹುಲಿಕಲ್ಲಿನಲ್ಲಿ 180 ಎಂಎಂ, ಮಾಸ್ತಿಕಟ್ಟೆಯಲ್ಲಿ 168 ಎಂಎಂ, ಯಡೂರಿನಲ್ಲಿ 157 ಎಂಎಂ, ಮಾಣಿಯಲ್ಲಿ 148 ಎಂಎಂ, ಹೊಂಬುಜದಲ್ಲಿ 120 ಎಂಎಂ, ಸಾವೇಹಕ್ಕಲಿನಲ್ಲಿ 114 ಎಂಎಂ, ಕಾರ್ಗಲ್ಲಿನಲ್ಲಿ 102 ಎಂಎಂ, ಹೊಸನಗರದಲ್ಲಿ 48.2 ಎಂಎಂ, ಅರಸಾಳಿನಲ್ಲಿ 38.2 ಎಂಎಂ ಮಳೆ ದಾಖಲಾಗಿದೆ.

CLICK ಮಾಡಿ - ಭಾರೀ ಗಾಳೆ - ಮಳೆ - ಹೊಸನಗರ ತಾಲ್ಲೂಕಿನಾದ್ಯಂತ ಶಾಲಾ ಕಾಲೇಜುಗಳಿಗೆ ಇಂದು ರಜೆ ಘೋಷಣೆ

1819 ಅಡಿ ಗರಿಷ್ಠ ಮಟ್ಟದ ಲಿಂಗನಮಕ್ಕಿ ಜಲಾಶಯ ಶುಕ್ರವಾರ ಬೆಳಿಗ್ಗೆ 1805 ಅಡಿಗಳ ಹತ್ತಿರ ತಲುಪಿದ್ದು, ಜಲಾಶಯಕ್ಕೆ 65147 ಕ್ಯೂಸೆಕ್ಸ್ ನೀರು ಹರಿದು ಬರುತ್ತಿದೆ.

ಜಲಾಶಯಕ್ಕೆ ನಿನ್ನೆ ಒಂದೇ ದಿನ 2.10 ಅಡಿ ನೀರು ಹರಿದು ಬಂದಿದ್ದು, ಜಲಾಶಯ ಶೇಕಡ 71.43 ರಷ್ಟು ಭರ್ತಿಯಾಗಿದೆ.