ಹೊಸನಗರ ತಾಲ್ಲೂಕಿನಲ್ಲೆಡೆ ಭಾರೀ ಮಳೆ - ಬಿದನೂರು ನಗರದಲ್ಲಿ ರಾಜ್ಯದಲ್ಲೇ ಅತ್ಯಧಿಕ 25 ಸೆಂಟಿ ಮೀಟರ್ ಮಳೆ ದಾಖಲು

ಹೊಸನಗರ : ತಾಲ್ಲೂಕಿನಾದ್ಯಂತ ನಿನ್ನೆಯೂ ಸಹ ಪುನರ್ವಸು ಮಳೆಯ ಆರ್ಭಟ ಮುಂದುವರೆದಿದ್ದು, ತಾಲ್ಲೂಕಿನ ಬಿದನೂರು ನಗರದಲ್ಲಿ ಇಂದು ಬೆಳಿಗ್ಗೆ 8 ಗಂಟೆಗೆ ಅಂತ್ಯಗೊಂಡ 24 ಗಂಟೆಗಳ ಅವಧಿಯಲ್ಲಿ ರಾಜ್ಯದಲ್ಲೇ ಅತ್ಯಧಿಕ 25 ಸೆಂಟಿ ಮೀಟರ್ ಮಳೆ ದಾಖಲಾಗಿದೆ.

ತಾಲ್ಲೂಕಿನ ಚಕ್ರಾನಗರದಲ್ಲಿ 210 ಮಿಲಿ ಮೀಟರ್, ಮಾಸ್ತಿಕಟ್ಟೆಯಲ್ಲಿ 165 ಮಿಲಿ ಮೀಟರ್, ಹುಲಿಕಲ್ಲಿನಲ್ಲಿ 158 ಮಿಲಿ ಮೀಟರ್, ಹೊಂಬುಜದಲ್ಲಿ 156 ಮಿಲಿ ಮೀಟರ್, ಯಡೂರಿನಲ್ಲಿ 124 ಮಿಲಿ ಮೀಟರ್, ಕಾರ್ಗಲ್‌‌ನಲ್ಲಿ 116 ಮಿಲಿ ಮೀಟರ್, ಮಾಣಿಯಲ್ಲಿ 110 ಮಿಲಿ ಮೀಟರ್, ಸಾವೇಹಕ್ಲಿನಲ್ಲಿ 106 ಮಿಲಿ ಮೀಟರ್, ಹೊಸನಗರ ಪಟ್ಟಣದಲ್ಲಿ 92.4 ಮಿಲಿ ಮೀಟರ್, ಅರಸಾಳಿನಲ್ಲಿ 75 ಮಿಲಿ ಮೀಟರ್ ಮಳೆ ದಾಖಲಾಗಿರುತ್ತದೆ.

ಹೆದ್ದಾರೀಪುರದಲ್ಲಿ ಮಳೆಯ ರಭಸಕ್ಕೆ ಸಂಪೂರ್ಣವಾಗಿ ಕುಸಿದ ಮನೆ - ಸ್ಥಳಕ್ಕೆ ಭೇಟಿ ನೀಡದ ಪಂಚಾಯ್ತಿ ಅಧಿಕಾರಿಗಳು

1819 ಅಡಿ ಗರಿಷ್ಠ ಮಟ್ಟದ ಲಿಂಗನಮಕ್ಕಿ ಜಲಾಶಯದ ನೀರಿನ ಮಟ್ಟ ಗುರುವಾರ ಬೆಳಿಗ್ಗೆ 8 ಗಂಟೆಗೆ 1787 80 ಅಡಿ ತಲುಪಿದ್ದು, ಜಲಾಶಯಕ್ಕೆ 69226 ಕ್ಯೂಸೆಕ್ಸ್ ನೀರು ಹರಿದು ಬರುತ್ತಿದೆ. ಕಳೆದ ವರ್ಷ ಇದೇ ಅವಧಿಗೆ 1757.30 ಅಡಿ ನೀರು ಸಂಗ್ರಹವಾಗಿದ್ದು, ಕಳೆದ ಬಾರಿಗಿಂತ ಈ ಬಾರಿ 32 ಅಡಿ ಹೆಚ್ಚಿನ ನೀರು ಸಂಗ್ರಹವಾಗಿ ದಾಖಲೆಯಾಗಿದೆ.

ಪುನರ್ವಸು ಮಳೆಯು ಇಂದು ಕೊನೆಯ ದಿನವಾಗಿದ್ದು, ನಾಳೆಯಿಂದ ಪುಷ್ಯ ಮಳೆ ಪ್ರಾರಂಭವಾಗಲಿದೆ.