ಹೊಸನಗರ ತಾಲ್ಲೂಕಿನೆಲ್ಲೆಡೆ ಕ್ಷೀಣಿಸಿದ ಆರಿದ್ರ - ಬಿದನೂರು ನಗರದಲ್ಲಿ ಅತ್ಯಧಿಕ 69 ಮಿ.ಮೀ ಮಳೆ

ಹೊಸನಗರ : ಮಲೆನಾಡಿನಲ್ಲಿ ಆರಿದ್ರ ಮಳೆ ಮತ್ತೆ ಕ್ಷೀಣಿಸಿದ್ದು ಶುಕ್ರವಾರ ಬೆಳಿಗ್ಗೆ 8ಕ್ಕೆ ಅಂತ್ಯಗೊಂಡ 24 ಗಂಟೆಗಳ ಅವಧಿಯಲ್ಲಿ ತಾಲ್ಲೂಕಿನ ಬಿದನೂರು ನಗರದಲ್ಲಿ ಅತ್ಯಧಿಕ ಅಂದರೆ 69 ಮಿಲಿ ಮೀಟರ್, ಹುಲಿಕಲ್ಲಿನಲ್ಲಿ 53 ಮಿಲಿ ಮೀಟರ್, ಮಾಸ್ತಿಕಟ್ಟೆಯಲ್ಲಿ 50 ಮಿಲಿ ಮೀಟರ್, ಲಿಂಗನಮಕ್ಕಿಯಲ್ಲಿ 49.8 ಮಿಲಿ ಮೀಟರ್, ಯಡೂರಿನಲ್ಲಿ 38 ಮಿಲಿ ಮೀಟರ್, ಮಾಣಿಯಲ್ಲಿ 37 ಮಿಲಿ ಮೀಟರ್ ಹಾಗೂ ಹೊಸನಗರದಲ್ಲಿ 29.2 ಮಿಲಿ ಮೀಟರ್ ಮಳೆ ದಾಖಲಾಗಿರುತ್ತದೆ.

1819 ಅಡಿ ಗರಿಷ್ಠ ಮಟ್ಟ ಹೊಂದಿರುವ ಲಿಂಗನಮಕ್ಕಿ ಜಲಾಶಯದ ನೀರಿನ ಮಟ್ಟ ಶುಕ್ರವಾರ ಬೆಳಿಗ್ಗೆ ಎಂಟು ಗಂಟೆಗೆ 1748.70 ಅಡಿ ತಲುಪಿದ್ದ ಜಲಾಶಯಕ್ಕೆ 12249 ಕ್ಯೂಸೆಕ್ಸ್ ನೀರು ಹರಿದು ಬರುತ್ತಿದೆ. ಇದೇ ಅವಧಿಗೆ ಕಳೆದ ವರ್ಷ ಜಲಾಶಯದ ನೀರಿನ ಮಟ್ಟ 1740.05 ಅಡಿ ದಾಖಲಾಗಿತ್ತು.